ಪುಷ್ಪ

ಒಂದೇ ದಿನ ಬದುಕುವೆಯಲ್ಲ
ಎಲ್ಲಿಂದ ಸಂತಸ ಕದ್ದು ತರುವೆ ?
ನಾಳೆಗಳ ಯೋಚನೆ ನಿನಗಿಲ್ಲ
ಅದಕೆ ಸದಾ ನಗುತ್ತಿರುವೆಯೇ?
ಚೆಂದದ ಮೃದು ಪರಿಮಳ ನಿನ್ನ ಮೈ
ನಿನ್ನಂದಕ್ಕೆ ತಲೆ ಬಾಗದಿರುವವರಾರು
ಗೆಳತಿ ನಿನ್ನ ಮೃದುತನಕ್ಕೆ ಸಾಟಿ ಇಲ್ಲ ಜಗದಲಿ
ದೇವನ, ಚೆಲುವೆಯ ಮುಡಿಗೇರಿದರೂ ಚೆಂದ
ಶವದ ಮೇಲಿದ್ದರೂ ಸಾರ್ಥಕ
ಒಣಗಿ ಹೋದರೂ ನಿನ್ನ ಹೆತ್ತ ತಾಯಿಗೆ ಗೊಬ್ಬರವಾಗುವೆ.
ನಿನ್ನ ಕಂಡಾಗೆಲ್ಲಾ ನೆನಪಾಗುವುದು ಮಗುವಿನ ನಗು
ನೋಡುಗರ ಕಣ್ಮನ ಸೆಳೆಯುವ ಪುಷ್ಪ ರಾಣಿ ನೀ