ಹಳೆಯ ನೆನಪುಗಳ
ಗೋರಿಗಳು ಇವು
ಸತ್ತ ಕನಸುಗಳ
ಗೋರಿಗಳು ಇವು
ಇತ್ತೀಚೆಗಷ್ಟೇ ಸತ್ತ
ಕೊಳೆತು ನಾರುವ
ಕನಸುಗಳೂ ಇವೆ...
ತೋರಿಸುತ್ತಾ ನಡೆದೆ ನೀನು !
ಅರೆ! ಮನಸ್ಸೆಂಬ ಮನಸಿದು
ಗೋರಿಗಳು ಗುಂಪಾಗಿರುವ
ಸ್ಮಶಾನವಲ್ಲ!
ಗುಡಿಸಾಚೆ ಒಮ್ಮೆ
ಇಲ್ಲವೇ ಸುಟ್ಟೇ ಬಿಡು
ಎಲ್ಲವೂ ಮುಗಿಯತೆ?
ಚೆಂದ ಕಟ್ಟೆ ಕಟ್ಟು
ಹೊಸ ಕನಸೆಂಬ ಬೀಜವಿದೆ ನನ್ನ ಬಳಿ
ನೆಡೋಣವೆನು?
ಹೆಮ್ಮರವಾದೀತು ಮರುಕ್ಷಣವೇ
ಚೆಂದ ಹೂಗಳೂ ನಕ್ಕೀತು...
ಒಣ ಹೂಗಳೂ, ತರಗಲೆಗಳೂ
ಬಿದ್ದೀತು, ತೊಂದರೆಯಿಲ್ಲ
ಅವಾಗವಾಗ ಗುಡಿಸಿದರಾಯಿತು ಅಲ್ಲವೇ?
Done in Adobe Ideas
No comments:
Post a Comment